ब्रेड उत्तप्पा

साहित्य

ब्रेडचे पाच-सहा स्लाइस
तीन टेबलस्पून जाड रवा
तीन टेबलस्पून तांदूळाची पीठी
तीन टेबलस्पून मैदा
अर्धा वाटी दही
एक चमचा मीठ
एक छोटा चमचा जिरे
एक छोटा चमचा काळी मिरी पूड
एक वाटी बिया काढून बारीक चिरलेले टोमॅटो
एक गाजर (किसून)
दोन बारीक चिरलेल्या हिरव्या मिरच्या
दोन चमचे किसलेले आले
अर्धा डाव तेल

कृती :

सुरुवातीला ब्रेडच्या स्लाइसच्या कडा काढून टाकून त्यांचे छोटे तुकडे करून ठेवा.

मिक्सरच्या मोठ्या भांड्यात ब्रेडचे तुकडे, रवा,  तांदूळाची पीठी, मीठ, दही व पाणी घालून वाटून पेस्ट बनवून घ्या.

एका मोठ्या बाउलमध्ये ही पेस्ट काढून घेऊन त्यात थोडेसे पाणी घालून उत्तप्याचे पीठ बनवा.

त्यात जिरे, बारीक चिरून ठेवलेले टोमॅटो, किसलेले गाजर, किसलेले आले, बारीक चिरून ठेवलेल्या हिरव्या मिरच्या व कोथिंबीर घालून मिक्स करून घ्या.

गॅसवर मध्यम आचेवर तवा गरम करून घेऊन त्यावर चमच्याने थोडेसे तेल सोडून त्यावर अर्धा कांदा किंवा कच्चा बटाटा तवाभर फिरवून मग हाताने तव्यावर थोडेसे पाणी शिंपडा आणि सुती कपड्याने तवा पुसून घ्या व तव्याला सगळीकडे तेल लावून घ्या.

दोन डाव पीठ तव्यावर घालून सगळीकडे गोल फिरवत पसरून घ्या.

चमच्याने उत्तप्याच्या सगळ्या कडेने तेल सोडा व दोन मिनिटे भाजून घेऊन पलटी करा व दोन्ही बाजूंनी मध्यम आंचेवर गोल्डन ब्राऊन रंग होईपर्यंत भाजून घ्या. याच पद्धतीने उर्वरीत उत्ताप्पा बनवा.

कोणत्याही आवडत्या चटणी सोबत किंवा टोमॅटो सॉस बरोबर गरम उत्तप्पा सर्व्ह करा.